Shefi i diplomacisë amerikane, Marko Rubio, deklaroi në lidhje me bisedimet mes SHBA-së dhe Rusisë se qëllimi kryesor i Uashingtonit është të verifikojë nëse Moska është “serioze” për mundësinë e përfundimit të luftës në Ukrainë.
“Ende nuk mund t’i përgjigjem pyetjes nëse ata janë seriozë për paqen”, tha Sekretari amerikan i Shtetit për gazetaren Catherine Herridge në një intervistë të transmetuar mbrëmë në rrjetin social X.
Rubio u takua me delegacionin rus, ku ishte i pranishëm edhe ministri i Jashtëm rus, Sergey Lavrov, më herët këtë javë në Arabinë Saudite.
EXCLUSIVE: Our full, unedited interview with Secretary of State Marco Rubio(@SecRubio) on his first 30 days leading the Department.
Restarting U.S./Russia relations following the Biden Administration, direct engagement with Ukraine, U.S. proposal for Gaza, preventing Iranian… pic.twitter.com/cxkHmNZWw0
— Catherine Herridge (@C__Herridge) February 21, 2025
Shefi i diplomacisë amerikane hodhi poshtë idenë e fillimit të bisedimeve me Rusinë pa përfshirë Kievin dhe aleatët evropianë të Uashingtonit.
“Është e padrejtë të thuhet se nuk jemi konsultuar me askënd për këtë çështje”, tha Marko Rubio, duke siguruar se ka biseduar me ukrainasit “gjatë këtij procesi”.
“Po ashtu, nuk është e vërtetë që nuk kemi konsultuar aleatët tanë në Evropë”, shtoi Rubio, duke theksuar se ka biseduar me “pesë ministra të jashtëm” si para ashtu edhe pas takimit me rusët.
Ndryshe, Rubio pas takimit në Riad të Arabisë Saudite të delegacioneve amerikane dhe ruse, kishte deklaruar se palët e përfshira në luftë duhet të bëjnë kompromise. /Telegrafi/