Ditë më parë, këngëtarja shqiptare, Dafina Zeqiri, njoftoi se albumi i saj i ri i titulluar “Dafinë Moj” do të lansohet më 1 tetor.
Ajo theksoi se këto projekte do të jenë të disponueshme në të gjitha platformat muzikore.
Madje, të gjitha të hollat që do të mblidhen nga shitja fizike e albumit shkojnë për fëmijët me autizëm.
Megjithatë, pak ditë para lansimit të plotë ky album ka qarkulluar në internet pa lejen e artistes.
Kjo ka bërë që të ketë një reagim nga 32-vjeçarja që shton se mos t’i përkrahni ata të cilët po e keqpërdorin albumin e saj.
“Ju lutem mos i përkrahni ata të cilët po e keqpërdorin albumin tim. Dhe publikimin në YouTube që kam punuar gjatë në të. Link-un e keni në biografi ku 100 për qind shkon për fëmijët me autizëm”.
“Ne do e publikojmë albumin në të gjitha platformat digjitale më 1 tetor”, ka qenë sqarimi i Zeqirit.
Në album nuk mungojnë edhe bashkëpunimet me emra të njohur si me: Tunën, Butën, Elinel, Lumi B etj. /Telegrafi/
