Cristiano Ronaldo ka zbuluar klubin që i pëlqen të shikojë më shumë dhe tifozët e ish-ekipit të tij, Manchester United, mund të mos jenë më të kënaqur.
Ronaldo u largua nga United pas një përplasjeje me trajnerin Erik ten Hag, ku kapiteni portugez dha një intervistë ekskluzive për Piers Morgan e cila sinjalizoi fundin e periudhës së tij të dytë në klubin nga Old Trafford.
Pesë herë fituesi i Topit të Artë më pas u bë katalizatori për rritjen e jashtëzakonshme të Superligës së Arabisë Saudite duke nënshkruar për Al Nassr në janar të 2023.
Pavarësisht formës së tij të dobët në fund të periudhës së tij të dytë në Angli, Ronaldo ka pushtuar Arabinë Saudite dhe ishte golashënuesi më i mirë në futbollin botëror në vitin 2023 me 54 gola për Al Nassr dhe Portugalinë.
Duke folur në Globe Soccer Awards, Ronaldo u pyet se cili është klubi i tij i preferuar për të parë dhe përgjigja e tij mund të ngrejë disa vetulla.
“Manchester City, urime për sezonin e tyre të mrekullueshëm. Lojtarë, trajner, të shkëlqyer…”, shpjegoi fillimisht Ronaldo në ceremoni.
“Më në fund ata fituan Ligën e Kampionëve, ndoshta e merituan dy vjet më parë. Më pëlqen t’i shoh duke luajtur”, përfundoi portugezi.
Për shkak të lidhjeve të Ronaldos me pjesën e kuqe të Mançesterit, kjo mund të jetë befasi për disa, por është e vështirë të argumentohet se 38-vjeçari e ka gabim me përgjigjen e tij. /Telegrafi/