Cristiano Ronaldo ka shfrytëzuar edhe rrjetet sociale për të folur pas pranimit të Topit të Artë për vitin 2017.
Ylli portugez fitoi çmimin e madh prestigjioz individual, Topin e Artë për vitin 2017, çmim ky që ndahet nga revista franceze France Football.
Sulmuesi i Real Madridit arriti përsëri të mposht në garë rivalin e tij të madh, argjentinasin Lionel Messi, i cili përfundoi në vendin e dytë, ndërsa në vend të tretë u radhit Neymar.
Me këtë trofe të madh individual, Ronaldo arriti të barazoj Messin, me nga pesë Topa të Artë të fituar gjatë karrierës.
Pas fjalëve të para të thëna pas pranimit të trofeut në Kullën e Eifelit në Paris, Ronaldo ka shkruar edhe në rrjetet sociale.
Ronaldo ka treguar edhe ka një ndjenjë të pabesueshme pas iu realizuar edhe një ëndërr, teksa ka falënderuar të gjithë atë që ia mundësuan këtë.
“Një ëndërr tjetër u realizua. Ndjenjë e pabesueshme”.
“Faleminderit familjes, miqve, shokëve të ekipit, trajnerëve dhe të gjithë atyre që qëndruan pranë meje përgjatë viteve”, ka shkruar Ronaldo në rrjetet sociale. /Telegrafi/
