Kur gjyqtarët gabojnë, apo tregohen të butë me lojtarët e mëdhenj, shkaktohet kaos i madh të tifozët kundërshtar, posaçërisht në Spanjë.
Kjo ndodhi edhe në fitoren e Real Madridit me rezultat 3-1 ndaj Osasunas.
Gjyqtari kryesor Ignacio Iglesias e fali Cristiano Ronaldon pasi portugezi gjeti një arsyetim i cili duket se ia ndryshoi mendjen referit.
Ronaldo i cili shënoi golin e parë për Los Blancos, ishte edhe një herë para portës kundërshtare gjatë pjesës së dytë, por ishte në pozicion jashtë loje.
Anësori ngriti flamurin, gjyqtari kryesor fishkëlloi, por CR7 nuk u ndal dhe provoi të mposht portierin italian, Salvatore Sirigu.
Kjo shkaktoi pakënaqësi te tifozët të cilët reaguan duke kërkuar që portugezi të ndëshkohet.
Por, kjo nuk ndodhi pasi Ronaldo u kthye nga gjyqtari duke shpjeguar pafajësinë me faktin se nuk e kishte parë dhe dëgjuar asgjë.
Ndeshja e ardhshme e Realit është ndaj Espanyolit. /Telegrafi/
