Skuadra angleze, Liverpool është duke u përpjekur për tu rikthyer sërish faktor në Ligën Premier.
Por ‘The Reds’ nuk kanë arritur që disa vite të fitojnë trofe të rëndësishëm për tifozët e tyre.
Kësisoj trajneri gjerman, Jurgen Klopp kërkon ta përforcojë skuadrën në afatin kalimtar të verës.
Emri i ri në listën e ‘The Reds’ është ai i anëtarit të Real Madridit, James Rodriguez.
Sipas medieve angleze, Liverpool është duke e monitoruar me kujdes situatën e kolumbianit në ‘Santiago Bernabeu’.
Rodriguez këtë sezon ka luajtur vetëm shtatë ndeshje në La Liga dhe ka kërkuar largimin.
Klopp e vlerëson shumë lojtarin dhe ka kërkuar nga drejtuesit e klubit blerjen e tij.
Liverpool është e gatshme të ofrojë 60 milionë euro për transferimin e Rodriguezit në ‘Anfield’. /Telegrafi/