Legjenda braziliane, Roberto Carlos ka mbështetur emërimin ‘Shawberto Carlos’, duke pretenduar se Luke Shaë ishte lojtari më i mirë në Euro 2020.
Shaw u vlerësua nga të gjitha anët, madje edhe Jose Mourinho, pasi ai shkëlqeu për Anglinë deri në arritjen e kombëtares në finalen e tyre të parë në 55 vjet e fundit.
Mbrojtësi i majtë i Manchester Unitedit erdhi nga një sezon i shkëlqyer me klubin dhe paraqitjet e mira bën që ai të emërohet në ekipin më të mirë të turneut nga shumë media.
Paraqitjet e tij bënë që ai të krahasohej me legjendën braziliane, Carlos, i konsideruar nga disa si mbrojtësi i majtë më i madh në epokën moderne.
Dhe tani fituesi i Kupës së Botës 2002 e ka mbështetur 26-vjeçarin, duke pretenduar se ai duhej ta kishte mposhtur Gianluigi Donnarumma në garën për ‘Topin e Artë’ në Euro 2020.
“Shaw ishte lojtari më i mirë në turne”, ka thënë fillimisht Carlos për GQ Magazine.
“Ai duhet të vazhdojë kështu; duhet të vazhdojë të luajë kështu. Kjo është e rëndësishme”, përfundoi braziliani. /Telegrafi/
