Këngëtarja shqiptare me famë ndërkombëtare, Rita Ora, e ka publikuar këngën e re me titull “You For Me” që është bashkëpunim me DJ Sigala.
Është një këngë me ritme verore që fillimisht ishte publikuar në versionin audio, ndërsa tash është kompletuar edhe me videoklip.
30-vjeçarja dukej e mrekullueshme në videon e re muzikore, ndërkohë që ka theksuar se është kënaqur gjatë xhirimeve.
Për më shumë, në profilin e saj në Instagram, këngëtarja i ka publikuar dhe disa fotografi nga prapaskenat e xhirimeve.
“Kam kaluar çastet më të mira duke e xhiruar këtë! Moti ishte i përsosur, faleminderit gjithë ekipit”, ka shkruar Rita duke i falënderuar të gjithë bashkëpunëtorët. /Telegrafi/
