Këngëtarja shqiptare me famë ndërkombëtare, Rita Ora, ka pozuar së fundmi për numrin më të ri të revistës “Love”.
Ajo ditë më parë solli disa fotografi provokuese të realizuara për këtë revistë, ndërsa në njërën prej tyre pozon ‘topless’ dhe ka vënë në pah gjoksin atraktiv të saj.
Dhe tani, biondja 29-vjeçare ka publikuar videon e plotë që ka bërë për “Love” dhe duket e mrekullueshme me dukjet e ndryshme.
“Videoja ime për revistën Love është publikuar. Jam e lumtur për bashkëpunimin me këtë ekip të mrekullueshëm”, është përshkrimi që ia ka vënë videos dhe në sfond bashkangjitur ka sjellë këngën e The Weeknd.
Ndërkohë, numri i ri i kësaj reviste do të dalë në shitje që nga 3 shkurti.
Ndër tjerash, Rita pritet që së shpejti të publikojë për fansat muzikë të re këtë vit, pas suksesit të albumit të saj “Phoenix” që e publikoi gjatë vitit 2018.
Sa i përket projekteve, “New Look” mbetet ai i fundit i lansuar në korrik të vitit 2019 dhe deri më tani ka mbledhur mbi 14 milionë shikime. /Telegrafi/