Artistja shqiptare e famshme ndërkombëtarisht, Bebe Rexha, ka festuar të premten ditëlindjen e saj të 30-të.
Urimet kanë qenë të shumta për ta nga familjarët, të afërmit por edhe kolegët.
Për një nga urimet më të përzemërta, u kujdes shqiptarja tjetër me famë botërore, Rita Ora, e cila është mike shumë e ngushtë e saj.
Rita, e cila për momentin ndodhet në Kroaci për koncertin e saj të radhës, ka publikuar në InstaStory një fotografi, të realizuar në eventin MTV Video Music Awards 2018, ku ishte shfaqur bashkë me shoqen e saj duku u puthur në tapetin e kuq të mbrëmjes.
Në mbishkrimin e fotografisë, ajo i ka bërë një dedikim të sinqertë shoqes së saj 30 vjeçare, duke i dëshiruar më të mirat në këtë ditë.
“Gëzuar ditëlindjen e 30-të për motrën time jo-biologjike, Bebe Rexha. Vazhdo të jesh vajzë e guximshme ashtu siç je! Shpresoj të kesh ditën dhe spektaklin më të mirë ndonjëherë! Te dua motër”, ka shkruar Rita në urimin e saj.
Po në këtë ditë, Bebe Rexha publikoi edhe projektin e saj më të ri muzikor “Not 20 Anymore”, që flet për njerëzit që i frikësohen të 30-tave, duke ndjerë se po plaken dhe po i tejkalojnë kënaqësitë që kanë shijuar në dekadën e të 20-ave. /Telegrafi/
