Dje (e diel) ka qenë dita ndërkombëtare e nënave.
Me këtë rast, këngëtarja shqiptare me famë botërore, Rita Ora, ka gjetur rastin të urojë nënën e saj përmes Instagramit.
Ajo ka publikuar një fotografi të nënës së saj, Vera Sahatçiu – Ora, duke shkruar në mbishkrimin e saj: “Urime Dita e Nënave për mbretëreshën Vera Ora”.
Tutje, 32-vjeçarja ndau me ndjekësit e saj një tjetër fotografi të realizuar në fëmijërinë e saj të hershme, duke pozuar në prehrin e nënës së saj.
Dhe Rita e përmbylli serinë e saj të postimeve me një fotografi familjare, të realizuar gjithashtu në fëmijërinë e hershme.
Bëhet fjalë për një fotografi të realizuar nga familja gjatë një vizite në Rugovë të Pejës, në një nga pushimet e tyre verore që bënin në Kosovë.
Familja e këngëtares me famë ndërkombëtare përndryshe kanë edhe origjinën nga qyteti i Pejës, ndërsa Rita është lindur në Prishtinë dhe ka qenë vetëm një vjeç kur familja e saj emigroi në Mbretërinë e Bashkuar. /Telegrafi/
