Rita Ora dukej sensacionale teksa doli nga një bistro e bukur në Los Angeles me të dashurin e saj Taika Waititi, 46 vjeç, të premten.
Për daljen romantike në La Poubelle, këngëtarja, 30 vjeçe, ishte veshur në mënyrë rastësore me një kapuç të zi të markës ‘Miu Miu’, i cili ishte i ndërthurur me tutat e saj, shkruan DailyMail.
Ajo e zbukuroi veshjen me aksesorë si gjerdani me rruaza argjendi të cilën dhe një çantë të vogël dore.
Duke kompletuar veshjen e saj me një palë çizme të bardha, interpretuesja e hitit “Your Song” mbrojti veten dhe të tjerët me një maskë të zezë, ndërkohë që pandemia COVID-19 vazhdon të jetë prezentë.
Anëtarja e jurisë së “The Voice Australia” i kishte lënë flokët e saj të binin lirshëm pas shpatullave, përpara se të hipte në një makinë aty pranë.
Ndërkohë, i dashuri i saj, regjisori i filmave, dukej gjithashtu shik i veshur me një pallto leshi ngjyrë gri, të cilën e kishte stiluar sipër një trikoje të hirtë.
Ai veshi një palë pantallona ngjyrë të hirtë dhe e përfundoi pamjen me një palë këpucë lëkure me shkëlqim oniksi.
Taika dhe Rita thuhet se kanë filluar të takohen në fillim të marsit para se ta zyrtarizonin lidhjen në Instagram më 21 prill.
Çifti u takua në Sydney ndërsa të dy qëndruan në Down Under për projekte pune.
Taika nga Zelanda e Re po punonte për filmin e ri “Thor”, ndërsa Rita u angazhua si anëtare e jurisë në spektaklin e talenteve të reja, “The Voice Australia”.
“Jam në një vend të mrekullueshëm në jetën time, kjo është gjithçka që do të them për këtë”, tha Ora për ‘Vogue Australia’ muajin e kaluar kur u pyet për marrëdhënien.
“Unë mendoj se, me respekt, privatësia është e rëndësishme. Po, kam mësuar shumë në të 20-tat e mia”, tha këngëtarja me rrënjë shqiptare.
Taika ka dy vajza: Te Hinekāhu, nëntë vjeçe dhe Matewa Kiritapu, gjashtë vjeçe – nga martesa e tij shtatëvjeçare me Jojo Rabbit Chelsea Winstanley, nga e cila u nda në vitin 2018 para se të takohej me asistenten e tij Polly Stoker. /Telegrafi/
