Këngëtarja shqiptare me renome botërore, Rita Ora, ndodhet në Prishtinë prej ditësh bashkë me familjen e saj dhe bashkëshortin Taika Waititi.
Ajo është pritur nga kryetari i komunës, Përparim Rama, kryeministri Albin Kurti si dhe nga presidentja Vjosa Osmani.
Asaj së fundmi iu dhurua ‘Çelësi i Qytetit’ nga Rama për përfaqësimin e dinjitetshëm që ka bërë në mbarë botën.
I pari i komunës tregoi se mori si dhuratë edhe albumin e fundit të yllit të famshëm.
Postimi i plotë i Ramës (pa ndërhyrje):
“Fantastikë Rita Ora e Taika Waititi ishte kënaqësi të ju kishim në Prishtinë!
Në emër të Kryeqytetit, ju dhuruam “Çelësin e Qytetit” për emocionet e veçanta që na dhuroni, dhe Rita përfaqësimin e dinjitetshëm që na bën në mbarë botën.
Faleminderit Rita për dhuratën, albumi yt i ri është fantastik!
Prishtina ju pret me zemër hapur sot e përherë”. /Telegrafi/
