Emri i Rita Orës nuk mungon në listën e të nominuarve për edicionin e sivjetmë të Brit Awards.
Këngëtarja shqiptare është përfshirë në garë për ‘Videoklipin më të mirë britanik’ me dy këngë, “Let You Love Me” dhe “For You”.
Videoja muzikore e “Let You Love Me” është publikuar në YouTube më 21 shtator 2018 dhe deri më tani është shikuar mbi 198 milionë herë.
Nominimin e dytë, 28-vjeçarja e ka marrë për bashkëpunimin me Liam Payne për temën muzikore të filmit “50 Shades Free”.
Edhe klipi i kësaj kënge është pëlqyer jashtëzakonisht shumë, saqë është shikuar mbi 214 milionë herë deri më tani.
Ceremonia e sivjetme e Brit Awards mbahet më 20 shkurt 2019 (e mërkurë) në O2 Arena të Londrës. Komiku Jack Whitehall kthehet si nikoqir i evenimentit pas suksesit të arritur në vitin e kaluar.
Theksojmë se shqiptarja tjetër, Dua Lipa, konkurron me katër nominime në edicionin e sivjetmë të këtij evenimenti të ndarjes së çmimeve muzikore. /Telegrafi/