Rita Ora dukej e mahnitshme në një fustan të shkëlqyeshëm ndërsa dilte për darkë me burrin e saj Taika Waititi në Los Angeles të shtunën.
Këngëtarja e njohur, 33 vjeçe, u martua me regjisorin e Hollywoodit, Taika, 49 vjeç, në vitin 2022 dhe një muaj pas përvjetorit të tyre të dytë, u fotografua duke dalë për darkë me të në Rokusho.
Rita kishte zgjedhur një fustan rozë ngjyrë salmoni dhe një kapele të kuqe bejsbolli, duke kompletur dukjen me një palë këpucë të thjeshta, shkruan DailyMail.
Këngëtarja e hitit “Anywhere” kishte flokët e saj të mbledhura në dy bishta të gjatë dhe kishte vendosur disa vathë dhe unaza. Një varg byzylykësh mund të shiheshin në krahët e saj dhe mbante me vete një çantë të madhe të zezë.
Ndërkohë, Taika kishte zgjedhur një pamje më të thjeshtë me një bluzë nga marka “Russell Crowe”, xhinse të errëta dhe atlete. Ai gjithashtu kishte vendosur një kapelë bejsbolli dhe mbante një zinxhir në qafë, dhe të dy ishin në humor të mirë ndërsa arrinin në restorantin e njohur.
Në një moment, Taika ndaloi për të treguar bluzën e tij humoristike me figura të ndryshme të yllit të Hollywoodit. Rita duket se ishte e kënaqur pasi kthente kokën dhe buzëqeshte lehtë.
Kjo dalje vjen vetëm disa javë pasi Rita organizoi një festë me yje të shumtë për të shënuar ditëlindjen e 49-të të Taika-s.
Në një postim të bërë në Instagram, ajo shkroi: “Gëzuar ditëlindjen njeriut më argëtues dhe më të mençur që kam njohur ndonjëherë në jetën time. Ti më mban të bashkuar në momentet kur mendoj se s’mundem. Faleminderit që më tregove çfarë është dashuria e vërtetë”.
Çifti fillimisht e mbajtën martesën e tyre larg syve të publikut dhe nuk e shpallën atë deri vitin e kaluar. Rita tregoi se miqtë e saj ishin të shqetësuar që kishin humbur ditën e madhe të saj, pasi ajo dhe Taika vendosën të kenë vetëm tetë të ftuar në ceremoninë e tyre intime.
Ajo tha: “Kam qenë në sy të publikut për një kohë të gjatë dhe gjithmonë kam dhënë gjithçka që e kam qenë pjesë e publikut. Ndjehej mirë të kisha diçka që ishte sekret për pak kohë”. /Telegrafi/