Rita Ora dukej e pabesueshme e veshur me një fustan të zbukuruar me ndarje deri në kofshë për premierën e filmit “Thor: Love and Thunder” në Londër të martën.
Këngëtarja 31 vjeçe, i dhuroi një puthje të ëmbël në faqe të fejuarit të saj dhe regjisorit të filmit, Taika Waititi, 46 vjeç, teksa u shfaq për të mbështetur të dashurin e saj, shkruan DailyMail.
Duke u dukur aq e adhurueshme si kurrë më parë, Rita e vështroi me dashuri Taikan teksa ata ecnin dorë për dorë poshtë tapetit blu në eventin e mbushur me yje.
Ajo dukej sensacionale në veshjen verbuese që tregonte dekoltenë e saj të bollshme dhe këmbët e tonifikuara.
Duke i shtuar lartësi trupit të saj, ajo veshi një palë taka metalike me ngjyrë argjendi dhe zgjodhi një palë vathë në stil llambadari diamanti.
Rita i kishte të lidhura flokët në një topuz elegant dhe zgjodhi një makijazh të thjeshtë me bojë për vetulla dhe një shkëlqim buzësh.
Taika veshi një kostum blu ngjyrë deti që përmbante një jakë të zezë, të cilin e kombinoi me një papion të butë dhe rruaza rruzare.
Filmi i katërt i “Thor”-it e sheh superheroin me çekiç të përballet me keqbërësin Gorr the God Butcher, rol i luajtur nga Christian Bale.
Filmi vjen pas atij paraprak, “Avengers: Endgame”, ku Thor (Chris Hemsworth) ka hequr dorë nga mënyrat e tij të superheronjve.
Ai kërkon ndihmën e Valkyrie (Tessa Thompson), Jane Foster (Natalie Portman) dhe miq të tjerë për të ndihmuar në luftën kundër Gorr.
“Thor: Love and Thunder”, me regji të Taikas, shfaqet në kinematë australiane dhe në Britaninë e Madhe më 7 korrik dhe më 8 korrik në Shtetet e Bashkuara.
Kjo paraqitje e përbashkët e çiftit, vjen pak kohë pasi Rita dhe Taikia janë parë duke u zhvendosur në shtëpinë e tyre të re në Londër.
Këngëtarja, e cila ka kaluar pjesën më të madhe të dy viteve të fundit në Los Angeles dhe Australi, është rikthyer në kryeqytetin britanik pas një kohe të gjatë.
Çifti janë parë në shumë raste në veri të Londrës gjatë javëve të fundit teksa kryejnë punë dhe bëjnë gjëra për shtëpinë e re.
Kuptohet se Rita, e cila është duke punuar në disa filma dhe spektaklin “The Voice Australia”, dhe Taika, e cila po planifikon një varg filmash, shpresojnë të kurorëzojnë martesën pasi të kenë përfunduar angazhimet e tyre të punës. /Telegrafi/
