Në një ngjarje të përmasave madhore siç ishte eventi i Disneyt, D23, këngëtarja shqiptare me famë ndërkombëtare, Rita Ora, u bë pjesë e një momenti të veçantë dhe historik.
E ftuar për të performuar në këtë event prestigjioz, Rita jo vetëm që la një përshtypje të jashtëzakonshme me zërin dhe prezencën e saj skenike, por gjithashtu u përfshi në një takim që tërhoqi vëmendjen e të gjithëve.
Pas performancës së saj të shkëlqyer, Rita u takua me regjisorin legjendar të Hollywoodit, James Cameron, një nga emrat më të mëdhenj të industrisë së kinematografisë. Ky takim ndodhi në një ambient të mbushur me yje, ku artistja nga Prishtina shkëlqeu përkrah bashkëshortit të saj, regjisorit të famshëm Taika Waititi.
📸| @RitaOra, @TaikaWaititi, @GalGadot & @JimCameron at #D23 pic.twitter.com/OSNEcuGeKm
— RitaBot | UK Owen (@RitaBotOwen) August 10, 2024
Çifti, që është bërë një nga dyshet më të ndjekura dhe të pëlqyera të industrisë së argëtimit, u pa duke shkrepur një fotografi bashkë me aktoren izraelite Gal Gadot dhe ikonën e kinemasë, James Cameron.
Pjesëmarrja e Rita Orës në këtë event nuk u kufizua vetëm në performancën e saj të shkëlqyer. Ajo gjithashtu ka konfirmuar përfshirjen e saj në filmin më të ri të Disney+, “Descendant: The Rise of Red”, një projekt që pritet të jetë një sukses i madh për platformën. Ky është një tjetër hap i rëndësishëm në karrierën e saj, duke e konsoliduar si një artiste me ndikim të gjerë, jo vetëm në muzikë, por edhe në kinematografi.
Rita Ora takes the stage at #D23 pic.twitter.com/7lIbJiGYsn
— IGN (@IGN) August 10, 2024
James Cameron, regjisor i disa prej filmave më të mëdhenj dhe më të suksesshëm në histori, si “Titanic” dhe saga “Avatar”, është një figurë që ka ndikuar thellë në zhvillimin e kinemasë moderne. Vetëm pak ditë më parë, Cameron ndau disa detaje ekskluzive mbi filmin e shumëpritur “Avatar 3”, një projekt që ka ngjallur entuziazëm të madh ndër fansat dhe kritikët e kinemasë në mbarë botën. /Telegrafi/