Këngëtarja kosovare me famë botërore, Rita Ora, ka sjell së fundmi për adhuruesit e muzikës së saj, versionin akustik të këngës së saj më të re, shumë të pëlqyer “Your Song”.
Për këtë gjë, ajo ka marrë ndihmën e shokut të saj, këngëtarit të mirënjohur Ed Sheeran, i cili gjatë gjithë kohës e ka shoqëruar në kitarë këngëtaren teksa kjo këndonte.
Bukuroshja 26 vjeçare dukej e thjeshtë dhe me stil teksa interpretonte plot buzëqeshje këngën e saj të suksesshme, të cilën e solli në muajin maj.
Versioni akustik i kësaj kënge do të ishte zgjedhja e duhur e çdo kujt për të kaluar një mbrëmje të lehtë, nën tingujt e mrekullueshëm që sjellin Ora dhe Ed Sheeran në këtë video.
Ky interpretim i këngëtarëve është pëlqyer shumë nga fansat, dhe është shpërndarë gjithandej në rrjetet sociale. /Telegrafi/
