Rita Ora është shfaqur e vetmuar dhe jo e lumtur gjatë një vizite në kazino, pas ndarjes së çmimeve Billboard Music Awards të dielën mbrëma.
Rita Ora u përball me ish-të dashurin e saj, Calvin Harris, i cili dukej i lumtur krahas të dashurës së tij të re, Taylor Swift.
Kjo e fundit madje pati një natë të përkryer, pasi fitoi shumicën e trofeve të ngjarjes, transmeton Telegrafi.
Në anën tjetër, këngëtarja shqiptare ishte e vetmuar pasi ajo nuk e kishte në krah as të dashurin e saj të fundit, Ricky Hill, me të cilin thuhet se është ndarë.
Pakënaqësia e Ritës nuk ka kaluar pa u vërejtur as nga paparacët, të cilët e kanë fotografuar atë në një kazino në Las Vegas duke luajtur dhe me fytyrë të zymtuar. /Telegrafi/
