Koreja e Jugut do t’i sigurojë Ukrainë dy mjete motorike K600 Rhyno në kuadër të ndihmës së dërguar Kievit nga Seuli.
Kjo është bërë e ditur nga e përditshmja jugkoreane Chosun duke u thirrur në burime brenda qeverisë së këtij vendi, raporton Yahoo News.
Thuhet se janë mjete luftarake të njësive inxhinierike, që do t’i mundësojnë ushtrisë ukrainase të depërtojë në fushat e minuara të vendosura nga mbrojtja ruse, transmeton Telegrafi.
“Rhino” është një automjet i avancuar inxhinierik ushtarak që u zhvillua në platformën K1A1, tanku kryesor i forcave të armatosura të Koresë së Jugut.
Thuhet se është e pajisur me një gjenerator të fushës magnetike për të shkatërruar minat.
Presidenti i Koresë së Jugut, Jun Suk-yeol i premtoi presidentit ukrainas Volodymyr Zelensky gjatë samitit të G7, të mbajtur në maj në qytetin japonez Hiroshima, se Seuli do t’i siguronte Kievit pajisje jo-vdekjeprurëse, përfshirë pajisjet e çminimit.
Thuhet se “rinoceronti” ka manovrim të madh dhe forca të blinduara të rënda dhe përveç depërtimit të fushave të minuara, ka për qëllim edhe kapërcimin e pengesave komplekse.
Ka një lloj parmendi që e përdor për të pastruar minat, për të gërmuar tokën dhe me pajisjen e tij magnetike është në gjendje të shkatërrojë një minë në një distancë deri në pesë metra. /Telegrafi/
