Rina Balaj së shpejti do të vijë me një tjetër bashkëpunim, të cilin është duke e përgatitur me Koke.
Kënga mban titullin “DOM” (“Down On Me”) dhe do të vijë me videoklip.
Në paralajmërimin e tij për këngën e re, Koke ka thënë se ky është alarm për një hit të madh.
Edhe producentët e njohur, ZzapnChriss, kanë bërë të ditur se projekti i ri do të vijë së shpejti.
Ditë më parë, Rina mori vëmendjen e fansave me disa poza të reja, në të cilat shfaqej me të brendshme.
Sa i përket karrierës muzikore, reperja ka sjellë disa bashkëpunime shumë të pëlqyeshme, ndërsa i fundit nga to ishte dueti me Fuegon, “Fly”.
Rina e pati shpërthimin e saj me duetin me Feron, “S’ka konkurrencë” dhe më pas vazhdoi me këngët e suksesshme që u pëlqyen dhe u pritën shumë mirë nga fansat e saj, si “Ashiqare”, “Mami” dhe dueti “Gigi” me Sin Boy. /Telegrafi/