Rina Balaj nis një karrierë muzikore si repere, por prej kohësh ajo është fokusuar në një zhanër tjetër atij RnB, duke u bërë kështu një prej këngëtareve më të preferuara aktualisht.
Pas disa projekteve të suksesshme që ka lansuar së fundi, këngëtarja tashmë ka finalizuar albumin e parë në karrierë.
Albumi me titullin “Balerina” është publikuar mbrëmë pas mesnate (9 nëntor), në të gjitha platformat, dhe përveç këngëve që tashmë ajo i ka publikuar, në album janë të përfshira edhe disa këngë të padëgjuara deri tani.
Kështu ka bërë të ditur vet artistja në disa postime në rrjetet sociale, ku u shfaq duke festuar lansimin e tij.
Kujtojmë që përveç albumit, Rina sot gjatë ditës publikon një prej këngëve të albumit “Mia” të cilën e ka shoqëruar me videoklip.
“Albumi “Balerina” del sonte ora 00:00 në të gjitha platformat digjitale. Nesër del kënga “Mia” me videoklip në ora 21:00”, ka shkruar Rina në postim.
Kujtojmë që përveç një bashkëpunimi me partnerin e saj, Sin Boy, këngët tjera ajo i ka sjell solo. /Telegrafi/