Emisioni Rose në Telegrafi Maqedoni ju sjell kësaj radhe rrëfimin e një zonje, profesoreshe universitare dhe aktualisht deputete në Kuvendin e Maqedonisë së Veriut. Rina Ajdari vjen në një rrëfim ndryshe, si kurrë më parë.
E kemi degjuar teksa flet për politikë, ligje, replika dhe kundër replika në foltore, por kësaj radhe kjo intervistë e shfaq Rinën ndryshe, që ndoshta shumë pak e njohim.
Ajo prej vitesh ka ligjeruar për studentët e gazetarisë dhe komunikimit, mirëpo tashmë për të dytin mandat radhazi përfaqëson qytetarët në Kuvendin e Maqedonisë së Veriut, si deputete nga Bashkimi Demokratik për Integrim.
Rina thotë se edhe puna si profesoreshë, mirëpo edhe si deputete, kanë të përbashkët ndjenjën që bashkëndjen me njerëzit e tjerë dhe mundohesh që gjithmonë të ju dalësh në ndihmë.
“Puna me studentë ka bërë që të kem situata emocionale, mirëpo edhe tani që jam pjesë e politikës ka pasur situata emocionale që lidhen me njerëzit, me qytetarët, sepse neve si deputetë mandatin na e japin qytetarët. Ndaj, ka ndodhur që së bashku me kolegë të mi të angazhohemi dhe të ndihmojmë qytetarët përmes politikës, duke ua lehtësuar jetën dhe kur ka ndodh që kam marrë falenderim personal nga ta, e kam përjetuar me shumë emocion”, u shpreh Rina.
Rina tha se ndjen krenari për punën e saj si deputete mirëpo një kënaqësi për të është edhe kur sheh studentët e saj që kanë arritur suksese në media.
“Ndjej krenari kur shoh studentët e mi që janë të suksesshëm në media kombëtare, E poashtu edhe kur unë së bashku me kolegët e mi arrijmë që të lehtësojmë jetën e qytetarëve dhe të ju dalim në ndihmë. Unë besoj që njeriu duhet të ketë kontinuitet në qëndrimet e tija, dhe nëqoftë se ka synim dhe qëllim në jetë, atëherë patjetër që puna në fund do të rezultojë me sukses”, deklaroi Rina.
Rrëfimin e Rinës nuk duhet humbur, ndaj intervistën e plotë mund ta ndiqni në linkun e lartë vendosur. /Telegrafi/
Ky emision mundësohet nga Porsche Maqedoni, Ama Caffe, Sirena, Sllavej, Nasa Term, City Fashion dhe UEJL.