Reperi i njohur, Noizy së fundmi ka publikuar albumin e ri “Alpha” që po pritet mirë nga fansat e tij.
Rap-artisti gjithashtu mbetet i angazhuar me koncerte dhe mbrëmje muzikore duke argëtuar fansat e tij të shumtë.
Megjithatë, jo çdo gjë ka shkuar siç duhej në një nga koncertet e tij të fundit ku ai shihet i revoltuar nga një fans.
Një video që tashmë është bërë virale në rrjetet sociale, reperi shihet i tensionuar duke kërcënuar një fansa nga skena.
Duket se hedhja e një telefoni gjatë kohës që ai po perfomonte ka bërë që reperi të nervozohej duke i kërkuar që të ballafaqohej me të.
“A është ndonjëri këtu me telefon? Nëse ka dëshirë të përfundojë në spital, ta gjuaj edhe një herë telefonin nëse ke b***. Kush ishte njëri që më gjuajti me telefon? Ti ishe? A ke qejf me përfundua në spital? Hajde këtu. A ke qejf me përfunduar në spital? A ke qejf?”, dëgjohet duke thënë reperi.
Ndërkohë, Noizy ende nuk ka bërë ndonjë reagime në rrjetet sociale për të sqaruar të gjithë këtë ngjarje. /Telegrafi/