Barcelona është pranë transferimit të mesfushorit të Santosit, Lucas Lima, bëjnë të ditur mediat në Brazil.
Fox Sports Brazil raporton se 26-vjeçari do të transferohet në Camp Nou si lojtar i lirë në fund të këtij viti, kur edhe i skadon kontrata me klubin brazilian.
Lima është ish-i dashuri i motrës së Neymar, Rafaella Beckran dhe përfaqësohet nga babai i sulmuesit të Barcelonës.
Ai pritet të nënshkruajë kontratë katërvjeçare me Blaugranët, e cila do të bëhet publike në muajin korrik. Bëhet e ditur se vet Neymar e ka rekomanduar personalisht Liman te krerët e klubit katalunas.
Mesfushori është kërkuar nga shumë klube evropiane, në mesin e tyre Real Madridi dhe Bayern Munichu, si edhe disa klube nga Superliga kineze.
Në të kaluarën, ai ka luajtur edhe për Inter de Limeira, Internacional dhe Sport Recife.
Ndryshe, pasi u nda nga Lima, motra e Neymarit është lidhur me sulmuesin e Interit, Gabriel Barbosa. /Telegrafi/
