Tifozët janë të zemëruar pasi Reece James zgjodhi mes Cristiano Ronaldos dhe Lionel Messit gjatë seance ‘pyetje dhe përgjigje’ në Twitter.
James, i cili po rikuperohet nga një dëmtim i gjurit që e bëri atë të humbasë Kupën e Botës, mori pjesë në intervistë ‘pyetje dhe përgjigje’ nga fansat në mediat sociale.
Në mënyrë të pashmangshme, ai u pyet për debatin shekullor Ronaldo apo Messi, dhe zgjedhja e tij nuk iu ka pëlqyer edhe aq shumë fansave.
James zgjodhi ish superyllin e Manchester United, Ronaldo, gjë që shkaktoi një reagim të zemëruar në internet.
Ronaldo. https://t.co/sZ3wFs0pU3
— Reece James (@ReeceJames) November 30, 2022
“Ju keni zero njohuri futbolli”, shkroi një përdorues i Twitterit, teksa një tjetër shtoi se: “Gjithmonë dije se je i mbivlerësuar, nuk e njeh topin”.
“Kjo është arsyeja pse Trent është më i mirë se ju!”, dhe “Trenti është shumë larg jush”, ishin disa komente tjera.
Got some free time tomorrow guys… so how about we do a Q&A?
Send me your questions and I’ll answer the best ones! 📱 pic.twitter.com/poK5KrtSmf
— Reece James (@ReeceJames) November 28, 2022
Ronaldos, të cilit iu ndërpre kontrata me Unitedin pas intervistës së tij të diskutueshme me Piers Morgan, ka qenë subjekt i spekulimeve intensive të transferimeve.
Newcastle United mendohet të jetë i interesuar për të blerë shërbimet e tij, me skuadrën e Arabisë Saudite, Al Nassr që thuhet se i ka ofruar 37-vjeçarit një marrëveshje fitimprurëse prej rreth 200 milionë eurosh në sezon. /Telegrafi/