Real Madridi është duke planifikuar shitjen e lojtarëve që i ka në huazim për të grumbulluar rreth 176 milionë euro.
Kjo shumë është e nevojshme në përpjekjet për transferimin e Kylian Mbappe (Paris Saint-Germain) apo Erling Haaland (Borussia Dortmund).
Anësori i Tottenham Hotspur, Gareth Bale dhe dyshja e Arsenalit, Martin Odegaard e Dani Ceballos, janë në mesin e lojtarëve të huazuar të Los Blancos.
Dhe sipas AS, Madridi planifikon t’i shesë disa prej lojtarëve të huazuar për sigurimin e fondeve për Haaland (që mund të kushtojë rreth 180 milionë euro) apo Mbappe (që mund të kushtojë rreth 150 milionë euro).
Borja Mayoral (Roma), Jesus Vallejo (Granada), Luka Jovic (Eintracht Frankfurt), Brahim Diaz (Milan), Reinier (Borussia Dortmund) e Takefusa Kubo (Getafe) – janë emrat tjerë në listën e shitjeve. /Telegrafi/
