Real Madridi është i gatshëm t’i ofrojë Tottenham Hotspurit, Iscon dhe Mariano Diazin në mënyrë që të marrë shërbimet e Christian Eriksen në janar, thonë mediat në Spanjë.
El Desmarque citon një raport të Diario AS se të dy lojtarët nuk janë në planet e Los Blnacos dhe klubi ka vendosur t’i largojë ata për ta marrë danezin.
Zinedine Zidane mendohet të jetë një admirues i lojës së Iscos, por në të njëjtën mënyrë nuk do të bllokonte një largim të tij në afatin e dimrit.
Juventus, Milano dhe Manchester City kanë qenë në mesin e klubeve të lidhura me spanjollin, mirëpo nuk kishte asnjë ofertë zyrtare.
26-vjeçari nuk luante nën urdhrat e Santiago Solarit – duke mos filluar një ndeshje në të gjithë garat.
Isco ka një kontratë në Santiago Bernabeu deri në vitin 2021, por e gjeti rrjetën vetëm tre herë në 11 paraqitje në La Liga.
Në anën tjetër, raporte të shumta në Spanjë kishin lidhur sulmuesin Mariano me një largim nga Los Blancos këtë verë me Real Betisin dhe Monacon në mesin e klubeve të përfolura të interesuar, ndërsa El Mundo Deportivo gjithashtu raportoi edhe për interesimin e Milanit.
Marseille gjithashtu thuhet se ka interes për lojtarin ndërsa Espanyol – e cila ka humbur Borja Iglesias dhe Valencia që kishte frikë se Rodrigo Moreno do të largohej, thuhet gjithashtu se janë të interesuara.
Por, Real Madridi është i gatshëm që në janar të dy lojtarët t’ia ofrojë Tottenhamit dhe t’i marrë shërbimet e Eriksenit. /Telegrafi/