Reali me një tifoz të veçantë, edhe Ronaldo ndodhet në Bernabeu

Cristiano Ronaldo pritet të jetë prezent në Santiago Bernabeu për ta shikuar ‘el Clasicon’ ndërmjet Real Madridit dhe Barcelonës.

Marca raporton se superylli portugez do të jetë i pranishëm në stadiumin ku përjetoi shumë festa gjatë karrierës së tij të jashtëzakonshme (2009-2018).

Lexo po ashtu Nga fishkëllimat për Figon, ovacionet për Ronaldinhon, ‘calma’ e CR7 dhe fanella e Messit – 25 gjestet që kanë shënuar historinë e ‘el Clasicos’

Natyrisht se prezenca e tij do t’i sjellë kujtime nga përballjet me rivalin e përbetuar, me të cilin këtë sezon Reali po lufton për titullin e La Ligas.

Gjatë karrierës së tij me Los Blancos, 35-vjeçari e ka fituar dy herë La Ligan, dy herë Kupën e Mbretërit dhe dy herë Superkupën e Spanjës nga trofetë vendore.

Ai e ka fituar katër herë Ligën e Kampionëve me Realin, dy herë Superkupën e Evropës dhe tri herë Kupën e Botës për Klube. /Telegrafi/