Marc Roca është njëri nga lojtarët më të talentuar në kampionatin spanjoll La Liga.
Por mesfushori spanjoll po i zhvillon ndeshjet e fundit me fanellën e Espanyol, pasi klubi katalunas është drejt rënies në La Liga 2. Kësisoj reprezentuesi i Spanjës do të largohet gjatë afatit kalimtar të verës dhe ofertat për të nuk mungojnë.
Real Madridi ka gati ofertën prej 35 milionë eurove për lojtarin, pasi Roca pëlqehet shumë nga trajneri Zidane. Por Los Blancos nuk do ta kenë aspak të lehtë transferimin e spanjollit, pasi në garë për të është edhe Arsenali.
Trajneri i Arsenalit, Mikel Arteta ka komunikuar direkt me Rocan dhe i ka treguar se dëshiron me çdo kusht transferimin e tij në Londër.
Njësoj si Reali edhe Topçinjtë janë gati të ofrojnë shumën prej 35 milionë eurove që kërkohet nga Espanyoli për yllin katalunas.
23-vjeçari që luan në rolin e mesfushorit defensivë ka zhvilluar 41 ndeshje në të gjitha garat këtë edicion për Espanyolin duke shënuar dy gola e duke bërë tre asistime. /Telegrafi/
https://www.youtube.com/watch?v=_pwduBobOAA