Menaxheri i Real Madridit, Zinedine Zidane e sheh yllin e Chelseat, Eden Hazard si zëvendësimin ideal për Gareth Bale, i cili mund të largohet pasi nuk po mund të rehatohet nga lëndimet dhe të gjej formën te Los Blancos.
Hazard është ylli kryesor i Bluve të Londrës, të cilët i ndihmoi sezonin e kauar ta fitojnë titullin në Ligën Premier në sezonin e parë nën drejtimin e Antonio Contes.
Paraqitjet e tij të mira dhe forma e lartë e vazhdueshme ka bërë që shumë skuadra evropiane ta duan atë, ku më të interesuarit janë klubit mbretëror spanjoll.
Sipas mediumit Don Balon, presidenti i Realit, Florentino Perez ka hartuar tashmë një listë të lojtarëve që dëshiron të sjellë në verën e ardhshme në Santiago Bernabeu.
Trajneri i skuadrës, Zinedine Zidane ka bërë një lutje personale për drejtuesit e klubit për të sjellë Hazardin në kryeqytetin spanjoll.
Pretendohet se Zidane beson se Hazard është zëvendësimi ideal për Bale nëse anësori nga Uellsi duhet të largohet vitin e ardhshëm.
Reali u lidh shumë me një lëvizje për reprezentuesin e Belgjikës gjatë verës, por asnjë ofertë zyrtare kurrë nuk u bë.
Klubi mbretëror gjithashtu thuhet se janë të interesuar edhe për dyshen angleze të Tottenham Hotspurs, Harry Kane dhe Dele Alli. /Telegrafi/