Aurelien Tchouameni është transferuar me shumë bujë te Real Madridi verën e vitit të kaluar.
Los Blancos paguan 80 milionë euro te Monaco plus 20 të tjera në formë bonusesh për reprezentuesin francez.
23-vjeçari ka zhvilluar 50 ndeshje këtë edicion në të gjitha garat, por nuk ka bindur me paraqitjet e tij, duke mos realizuar asnjë gol e duke bërë katër asistime.
Dy skuadrat angleze, Liverpool dhe Newcastle United kanë shprehur interesim për transferimin e Tchoumaenit gjatë afatit kalimtar veror.
Përkundër se dy skuadrat elitare angleze ishin në gjendje të ofrojnë mbi 80 milionë euro, Los Blancos nuk do të pranojë asnjë ofertë pasi duan ta mbajnë francezin për t’i dhënë një tjetër rast.
Carlo Ancelotti beson në mesfushorin francez dhe është i bindur se sezoni i ri do të jetë i duhuri për të që të shkëlqej me fanellën e kryeqytetasve spanjollë. /Telegrafi/