Real Madridi u ‘shkatërrua’ në derbi nga Atletico, por Bale qeshte në drejtim të Zidanet pas golit të shtatë të pranuar

Duket sikur Gareth Bale luajti mëngjesin e sotëm (e shtunë) ndeshjen e tij të fundit me fanellën e Real Madridit dhe u pa duke qeshur në fushë sa ishte rezultati i thellë 7-1.

Los Blancos u mposhtën rëndë 7-3 nga rivalët e qytetit të Madridit gjatë ndeshjes së zhvilluar në stadiumin MetLife të New Jersey, me Diego Costa që shënoi katër herë përpara se të ndëshkohej me karton i kuq në gjysmën e dytë.

Lexo po ashtu Çmenduri në derbin e Madridit, 10 gola të shënuar, sherr në fushë dhe kartonë të kuq – Atletico demolon Realin

Por, për Bale kjo humbje nuk dhembi aspak, pasi është i gatshëm të largohet nga Santiago Bernabeu në një farë mënyre dhe nuk dukej aspak i zhgënjyer.

Sulmuesi uellsian u shfaq duke qesh në drejtim të Zinedine Zidane kur kamerat u fokusuan me atë 20 minuta nga fundi i ndeshjesh Real humbte me rezultat të turpshëm.

https://twitter.com/XChampionsgames/status/1155032128616378368

Mbrëmë, raporte te mediave në Spanja thanë se Bale është afër nënshkrimit me Jiangsu Suning nga Kina në një kontratë prej 22 milionë eurosh një vit.

Lexo po ashtu Arrihet marrëveshja mes palëve, Bale do të transferohet në Kinë

Sipas gazetës Marca, uellsiani po shkon në Lindjen e Largët për një marrëveshje trevjeçare, ndërsa Matt Law nga The Telegraph raporton se 30-vjeçari do të fitojë mbi një milion në javë nëse marrëveshja përfundohet siç pritet.

Në gjashtë vjet si një lojtar i Real Madridit, Bale ka shënuar 102 gola dhe ka fituar 13 trofe. Por, marrëdhëniet e tij me tifozët e klubit nuk kanë qenë asnjëherë të forta, ashtu si dhe raporti i tij me Zidane. /Telegrafi/