Cody Gakpo është një nga sulmuesit më në formë për momentin në Evropë.
Ylli holandez është duke shkëlqyer me PSV Eindhoven dhe ka zgjuar interesimin e klubeve më të mëdha evropiane.
23-vjeçari ka shënuar 13 gola dhe ka asistuar në 17 të tjerë në 24 ndeshje zyrtare këtë edicion.
Manchester United po shihet si favoriti kryesor për lojtarin, por në garë për të është edhe Real Madrid.
Reprezentuesi holandez ka pranuar se me dëshirë do t’i bashkohej njërës nga skuadrat si Barcelona, Real Madrid, Man Utd, Liverpool ose Man Cityt.
Marca ka raportuar se drejtuesit e Realit janë duke e monitoruar situatën e holandezit dhe mund të dalin me ofertë zyrtare qysh pas Kampionatit Botërorë.
PSV është gati ta shes kapitenin e tyre dhe po kërkon që nga largimi i tij të fitojnë mbi 45 milionë euro.
Djajtë e Kuq janë favoriti kryesor për transferimin e Gakpos, por Los Blancos mund t’i ndryshojnë mendjen holandezit pasi atë e shohin si pasardhës të Karim Benzemas në repartin ofensivë. /Telegrafi/