Tashmë nuk ka dyshim që Real Madridi do të futet fuqishëm në afatin kalimtar veror, pasi që FIFA i ka larguar ndalesën për transferime.
Së pari pritet të largohen disa lojtarë. Në krye të listës për largime janë Avaro Morata, Marco Asensio dhe Fabio Coentrao.
Pastaj nga mbrojtja largohet Pepe, ndërsa mesfushor njëri nga Isco ose James Rodriguez.
Nga sulmuesit mund të largohet edhe Karim Benzema, shkruan AS.
Kthimet e para pritet të jenë Jesus Vallejo dhe Marcos Llorente, që janë në huazim.
Ndryshime mund të ketë edhe në portë, ku emri i Thibaut Courtois është në krye.
Ndërsa për përforcime në sulm mendohen Pierre Emerick Aubameyang dhe Paulo Dybala. /Telegrafi/
Portieri – Navas largohet, vjen Courtois
Mbrojtja – Largohet Pepe, kthehet Vallejo
Mesfusha- Kthehet Marcos Llorente, largohen Isco ose James
Sulmi – Largohen Benzema, Morata, Asensio, vijnë Aubameyang dhe Dybala
