Tammy Abraham është duke shkëlqyer në këtë fillim sezon te Chelsea.
Sulmuesi i talentuar ka shënuar shtatë gola në pesë paraqitje te skuadra londineze, e që duket se The Blues më në fund po e zgjidhin problemin me sulmues.
Por, forma e tij e lartë në këtë sezon ka arritur të kap syrin e shumë skuadrave të mëdha evropiane.
Sipas Diario Goal, Real Madridi po e mendon transferimin e talentit anglez në verën e vitit 2020 nga Chelsea.
E përditshmja spanjolle bën të ditur se presidenti i Los Blancos është admirues i madh i lojës së Abrahamit, andaj do të tentojë transferimin e tij.
Por, Chelsea vështirë se do ta lejojë largimin e tij, duke ditur se sa ishte e vështirë për ta që ta gjenin një sulmues të kalibrit të tillë, mirëpo edhe që është pjesë e akademisë së tyre që nga mosha shtatëvjeçare. /Telegrafi/