Pas rrëzimit të një droni të ushtrisë amerikane mbi Detin e Zi pasi u përplas me një nga dy aeroplanët rusë, vjen reagimi i parë nga Kievi.
Oleksiy Danilov, Sekretari i Përgjithshëm i Këshillit të Sigurisë Kombëtare dhe Mbrojtjes së Ukrainës, tha se incidenti tregoi se Rusia është gati të zgjerojë luftën, transmeton Telegrafi.
“Incidenti me fluturaken amerikane pa pilot MQ-9 Reaper që Rusia e provokoi mbi Detin e Zi, është sinjal se Putini është i gatshëm të zgjerojë zonën e konfliktit dhe në të përfshijë palë tjera”, tha Danilov në një postim në profilin e tij në Facebook.
Ndryshe dje rreth orës 19:00 mbi Detin e Zi u rrëzua një dron i ushtrisë amerikane që po lëvizte në hapësirën ajrore ndërkombëtare, pasi u përplas me një nga dy aeroplanë luftarakë rusë.
E sipas zyrtarëve amerikanë, pilotët e aeroplanëve rusë i kishin hedhur sipër derivat, dhe derisa po ngritej lart aeroplani rus kishte goditur me “bisht” helikën e dronit.
Kjo nuk i la shumë zgjidhje operatorit të dronit veç se ta rrëzojë në Detin e Zi. Në anën tjetër Rusia mohon të ketë patur kontakt mes aeroplanëve të Moskës dhe dronit amerikan. /Telegrafi/
Інцидент з американським БПЛА MQ-9 Reaper, спровокований росією в Чорному морі, – це сигнал путіна про готовність до розширення зони конфлікту із втягуванням інших сторін. Тактика ва-банк – постійне підвищення ставок в умовах стратегічного програшу в надії на зміну обставин.
— Oleksiy Danilov (@OleksiyDanilov) March 15, 2023