Robert Lewandowski ishte konkurrenti kryesor i Lionel Messit në garën e sivjetme për Topin e Artë.
Sulmuesi i Bayern Munichut mbeti i dyti në ceremoninë që u mbajt në Paris, pasi superylli argjentinas e fitoi çmimin e shtatë të France Football në karrierën e tij mbresëlënëse.
Polaku u ngushëllua me çmimin e sulmuesit më të mirë të vitit, megjithatë ai ka bërë një postim duke e uruar Messin dhe të gjithë fituesit.
“Urime Leo Messit dhe Alexia Putellas, fituesve të Topit të Artë 2021, urime po ashtu edhe gjithë lojtarëve të nominuar”.
Congratulations Leo Messi and @alexiaputellas winners of the #BallonDor2021, congratulations also to all nominated players!👏 I won Striker of the Year Award and no Player can win an individual award without strongest team and loyal fans behind him. Thank you for your support🤜🤛 pic.twitter.com/I6j4BtluYS
— Robert Lewandowski (@lewy_official) November 29, 2021
“Unë e fitova çmimin e sulmuesit të vitit dhe asnjë futbollist nuk mund ta fitojë një çmim individual pa skuadrën më të fortë dhe tifozët besnikë prapa tij”.
“Faleminderit për mbështetjen tuaj”, ka shkruar Lewandowski në postimin e tij në rrjetet sociale. /Telegrafi/