Jurgen Klopp pa një ndeshje ‘tepër të fortë’ me Atalantan, por në fund të fundit e cilësoi si ‘një humbje e merituar’ për skuadrën e tij, Liverpoolin, në Anfield.
Reds triumfuan 5-0 në udhëtim te Atalanta disa javë më parë, por u mposhten në shtëpi 2-0 nga golat e Josip Ilicic dhe Robin Gosens.
“Nuk ishte një lojë e mirë. Nga të dy ekipet, nuk krijuan shumë, derisa shënuan golat”, ka thënë fillimisht Klopp për BT Sport.
“Një humbje e merituar në një lojë të vështirë. Gjyqtari nuk fishkëlleu shumë dhe kjo e bën edhe më të vështirë, për të dy ekipet. Ishte jashtëzakonisht e fortë dhe ju duhen disa pushime”.
“Kur pjesa e parë është e dobët, ju zakonisht vendosni ndryshime, por për disa lojtarë që nuk kanë luajtur për një kohë ka qenë shumë intensive për ta. Ne nuk gjetëm një mënyrë në lojë”.
“Më lehtë është të flasësh për një lojë të mirë. Kishim momente por jo shanse reale. Mund të ndodhë me skuadrat e tjera”.
“Ju na kërkoni të luajmë të shtunën në orën 12:30, që është gati një krim. Kjo nuk ka asnjë lidhje me rezultatin, por urime për ju”.
“Bravo, pa lëndime dhe ne do të ecim tutje”, përfundoi trajneri i Reds. /Telegrafi/