Anthony Joshua ka triumfuar ndaj Andy Ruiz dhe ka rikthyer titujt e kampionit të botës në peshat e rënda.
Boksieri britanik fitoi pas 12 raundeve me pikë të gjyqtarëve që të tre i dhanë fitoren Joshuas.
30-vjeçari ka rikthyer titujt në kategoritë, WBA, WBO, IBF dhe IBO.
Joshua ka reaguar edhe në rrjetet sociale pas këtij triumfi, derisa ka thënë se zemrat e pastra triumfojnë.
“Shpresa ime është që dikush po e sheh faqen time (të jetës) dhe vendos të mos dorëzohet. Zemrat e pastra fitojnë”, ka shkruar Joshua në rrjetet sociale.
Meçin e radhës britaniku do ta zhvillojë me fituesin e duelit Wilder – Fury. /Telegrafi/
