Milot Rashica do të largohet këtë verë nga Werder Bremen, por ende është e paqartë e ardhmja e tij.
Sulmuesi nga Kosova ishte shumë pranë transferimit te RB Leipzig, por klubi gjerman po insiston për të paguar një shumë më të ulët se sa kërkesa e Werder.
Leipzig ka ofruar vetëm 15 milionë euro plus tri të tjera në formë bonusesh për Rashicën, teksa Werder kërkon 25 milionë euro.
Rashica ishte pro transferimit te Leipzig, por pritjes së tij i ka ardhur fundi, pasi vushtrriasi tani është lodhur nga pritja.
Mediat gjermane kanë raportuar se Rashica i ka kërkuar Werderit dhe agjentit të tij që të shikojnë tjera opsione.
Leipzig nuk e ka ndërmend ta rritë ofertën, teksa Rashica nuk dëshiron që të pres më gjatë.
Gjithnjë sipas ‘Deichstube’, kosovari ka kërkuar nga Werder që të pranojë ofertën e Aston Villës, skuadër që është e gatshme të paguajë 25 milionë euro për të.
24-vjeçarit i ka humbur durimi me Leipzig dhe nuk dëshiron që të presë më gjatë, pasi i frikësohet ndonjë lëndimit dhe në këtë mënyrë do të rrezikonte transferimin.
Përpos që është njoftuar Werder, besohet se edhe agjenti i Rashicës, Altin Lala do të marrë rrugë për në Angli për të diskutuar kushtet personale të vushtrriasit.
Java e ardhshme pritet të jetë vendimtare sa i përket të ardhmes së Rashicës, ku pritet të nënshkruajë me klubin e ri.
Gjithsesi përveç RB Leipzig e Aston Villës, në garë për të janë edhe West Ham United, Wolverhampton Wanderers dhe Hertha Berlin. /Telegrafi/
