Manchester Unitedi është pranë që ta angazhuar Ralf Rangnickun si trajner të përkohshëm deri në fund të sezonit – bën të ditur Goal.
Djajtë e Kuq janë në bisedime të avancuara me 63-vjeçarin, i cili së shpejti pritet ta zë vendin e lënë bosh nga Ole Gunnar Solskjaer.
Në karrierën e tij si trajner, strategu gjerman i ka drejtuar pesë klube të Bundesligas duke përfshirë Schalke dhe RB Leipzig.
Ralf Rangnick told Man Utd board on Monday he’ll accept this interim job only if future ‘consultancy’ with power on club choices will be included in the deal. Man Utd are prepared to accept this condition. 🔴🇩🇪 #MUFC
Talks now on with Lokomotiv as advanced by @TheAthleticUK. pic.twitter.com/VA3XSb0eef
— Fabrizio Romano (@FabrizioRomano) November 25, 2021
Suksesin më të madh e arriti me Schalken duke u bërë nënkampion i Gjermanisë në sezonin 2004/2005, ndërsa në vitin 2011 e fitoi DFB-Pokal dhe DFL-Supercup.
Në vitin 2012 u bë drejtor sportiv edhe i RB Leipzig edhe i Red Bull Salzburg, ku luajti një rol në ngritjen e Leipzigut nga liga e katërt në Bundesliga.
Aktualisht, ai është menaxher sportiv dhe i zhvillimit te klubi rus, Lokomotiv Moska, ku është angazhuar nga korriku i këtij viti. /Telegrafi/