Aaron Ramsey pritet të rikthehet në elitën e futbollit anglez pas dy viteve e gjysmë të kaluara në Torino te Juventusi.
Mesfushori uellsian nuk ka arritur të lë gjurmë në futbollin italian dhe realisht ka luajtur shumë pakë gjatë kësaj kohe me Zonjën e Vjetër.
30-vjeçari është i destinuar për tu rikthyer në Ligën Premier dhe tanimë tri skuadra janë në garë për të.
Newcastle United, Everton dhe West Ham United janë tri ekipet që janë duke luftuar për t’i siguruar shërbimet e mesfushorit uellsian.
Problemi më i madh qëndron tek paga e lartë e lojtarit i cili nuk dëshiron t’i ulë kërkesat e tij.
Ramsey ka një pagë prej 14 milionë eurove në vit dhe nuk dëshiron të heqë dorë nga ajo.
Megjithatë klubet e interesuara për të po tentojnë ta bindin lojtarin për një pagë prej tetë milionë eurove. /Telegrafi/