Ushtria ruse ka kryer sot sulme ajrore mbi Kiev, por ukrainasit ishin të përgatitur për më të keqen.
Një video amatore shfaq momentin, kur raketa gjigante e rusëve shkatërrohet në ajër nga mbrojtja kundërajrore e Kievit, transmeton Telegrafi.
Pamjet e publikuara më poshtë shfaqin raketën duke fluturuar me shpejtësi të madhe, dhe pak momente para se të përfundonte mbi objektivin e paraparë shkatërrohet nga mbrojtja kundërajrore.
Po të mos ishte ky intervenim i saktë i ukrainasve, dëmet sigurisht se do të ishin të mëdha si në njerëz ashtu dhe në infrastrukturë civile.
Një gjë e tillë është mundësuar pas marrjes së armëve moderne nga vendet e perëndimit, duke bërë kështu që qielli mbi Ukrainë të jetë më i sigurtë nga raketat ruse. /Telegrafi/
