Raketa ruse bie në një zonë urbane pak metra larg ushtarëve ukrainas, shpëtojnë mrekullisht pa as më të voglin lëndim

Diku në rajonin e Donbasit në lindje të Ukrainës, forcat ruset për pak sa nuk goditën me raketë disa ushtarë ukrainas.

Në një video amatore shihen ushtarët ukrainas duke lëvizur nëpër një zonë urbane, kur krejt befasisht një raketë ruse bie me shpejtësi të madhe dhe shpërthen pak metra larg tyre, transmeton Telegrafi.

Për fat të mirë nga kjo raketë asnjëri prej ushtarëve ukrainas nuk është lënduar, madje disa prej tyre dëgjoheshin duke qeshur me ironi sesi raketa për pak metra nuk i goditi.

E sulme të tilla çdo ditë e më shumë po filmohen dhe dokumentohen, se ushtria e Vladimir Putinit nuk zgjedhë mjete për të arritur një lloj fitore në ato pak rajone që i kontrollon.

Në anën tjetër, humbjet e Rusisë janë tejet të mëdha, ku sipas vlerësimeve të inteligjencës perëndimore, vetëm grupi mercenar rus Wagner ka humbur dhjetëra mijëra pjesëtarë në luftën e Ukrainës. /Telegrafi/