Kryeministri i Shqipërisë, Edi Rama ka njoftuar sot se vendimi i qeverisë për rriten e çmimit të energjisë për konsum mbi 800 kilovat në muaj nuk do të hyjë në fuqi në tetor për konsumatorët familjarët.
Lajmin e ka njoftuar në një postim që ka bërë në rrjetet sociale.
“Sot kam një lajm pozitiv: në 1 shtator, kur vendosëm fashën, kërkesa për energji nga KESH ishte 17,000KW, sot është 11,000KW. Atëherë, kërkesa ishte ndjeshëm më e lartë dhe pa diskutim në këtë ulje ka luajtur rol të rëndësishëm edhe fillimi i dukshëm i kursimit nga abonentët familjarë. Kemi pasur edhe përmirësim të nivelit në Fierzë dhe presim reshje të tjera në tetor. Në këto kushte, bazuar në analiza të detajuara, vendosëm që aplikimi i fashës 800 KW të mos hyjë në fuqi në muajin tetor”, tha kryeministri.
“Nga nesër është planifikuar hyrja një fuqi e fashës së konsumit 800 KW mbi çmimin e mbrojtur nga qeveria për konsumatorët familjarë. Kjo fashë synon mbrojtje në vazhdimësi të 96 për qind të familjeve të cilat dhe gjatë dimrit nuk e kalojnë këtë fashë, dhe nga ana tjetër 4 për qind e abonentëve të cilët e kalojnë këtë kufi dhe konsumojnë afro 20 për qind të të gjithë sasisë të paguajnë me çmimin reali çdo KW mbi kufirin e 800 KW”, shtoi kryeministri.
“Kjo është një metodë e ndjekur nga plot vendet për të kursyer energjisë në këtë kohë kaq të zymtë dhe për të mos paguar nga taksat e të gjithëve mbrojtjen e çmimit për konsumin e lartë të një pakice”, tha Rama.
Çmimi për abonentët familjarë momentalisht është 9.5 lekë për kilovat në orë, ndërsa çmimi i vendosur për çdo kilovat mbi fashën 800 kwh do të ishte 42 lek. /Telegrafi/
