Qeveria në detyrë e Kosovës në mbledhjen e fundit të saj ka marr vendim që të ndahen edhe 12 milionë euro për zbatimin e Pakos Emergjente Fiskale.
Me propozimin e ministrit të Financave dhe Transfereve, Besnik Bislimi këto mjete do të bartën në Ministrinë e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike.
“Kemi nevojë për një vlerë shtesë prej 12 milionë eurove për zbatimin e Pakos Emergjente Fiskale. Ministria e Financave dhe Transfereve bënë kërkesë që të ndahet vlera prej 12 milionë eurove. Paratë merren nga MFT dhe transferohen në MEPTINIS”, tha Bislimi.
Po ashtu në këtë mbledhje është marr vendim që ndërmarrjet publike të mos kenë pagë më të lartë se 2,500 euro. /Telegrafi/
