Hekurudha drejt Greqisë do të ndërtohet nga qeveria e re, ndërkaq ajo e tanishmja e ka prishur kontratën me firmën bullgare që i ka kryer punimet e deritanishme, përcjell Telegrafi Maqedoni.
Vazhdimi i punimeve do të bëhet pas tenderit të ri, që duhet të shpallet nga qeveria e re, kurse punëtorët i kërkojnë paratë e punës së kryer deri tani.
Edhe BE-ja do të duhet që të deklarohet për këtë rast, pasi që hekurudha ndërtoht me IPA fonde. Ministri për transport dhe lidhje, Vllado Misajllovski ka pranuar se firma bullgare nuk i ka qëndruar besnike kontratës. Pritet që të aktivizohet edhe garancia bankare.
Në lidhje me pështjet e punëtorëve, Misajllovski thotë se shteti nuk është interesuar për obligimet që i ka ndaj kompanive vendore, pasi që kontratat janë të nënshkruara në mes të konzorciumit bullgar dhe kompanive të vendit.
Përndryshe, për ndërtimin e hekurudhës nga Manastiri, në drejtim të Greqisë, u ndanë 20 milion euro nga IPA fondet./Telegrafi/