Trajneri i Ajaxit, Erik ten Hag ka thënë se Lionel Messi nuk ka arritur të gjejë më nivelin e tij të lartë që kur u larguar Pep Guardiola nga Barcelona në vitin 2012.
Spanjolli e kishte marrë drejtimin e skuadrës katalunase në vitin 2008 dhe gjatë katër sezoneve të tij, ai fitoi tri La Liga, dy Kupa të Mbretit dhe dy Liga të Kampionëve.
Messi po ashtu kishte një formë të paharrueshme, duke fituar Topin e Artë në vitin 2009 dhe 2012.
“Messi ishte njëri ndër liderët, mirëpo ai kishte punuar për skuadrën dhe suksesi nuk mungonte. Ai asnjëherë nuk ka qenë më i mirë se nën urdhrat e Pep Guardiolas”, ka thënë Ten Hag pë Voetbal International.
“Barcelona madje nuk ka fituar shumë në vitet e fundit në Evropë. Pep ka guxim, ai guxon të bëjë inovacione të reja”, ka shtuar më tej.
Pasi u largua nga Barcelona, Guardiola shkoi te Bayern Munich në sezonin 2013-14, derisa Ten Hag kishte mundësi të punonte me të pasi holandezi stërviste rezervat. /Telegrafi/