Këngëtarja Bleona Qereti ka qenë e ftuar së fundmi në emisionin “Xing me Ermalin”.
Ajo ka rrëfyer për më të rejat në karrierën e saj, ndërsa është ngacmuar vazhdimisht me pyetje nga moderatori, Ermal Mamaqi.
Në pyetjen se cila mendon se është gënjeshtra më e madhe që babai i saj i ka bërë ndonjëherë, Bleona befasoi duke thënë se nuk beson që babai i saj nuk ka pasur kurrë të dashur.
“Unë kam idenë që gënjeshtra më e madhe që më ka thënë mua Nazmiu është që nuk ka pasur asnjëherë dashnore. S’e besoj dot.
Ai ka qenë nënkryetar dege për 30 vjet, ka qenë në post të rëndësishëm, është burrë i bukur edhe sot që është 70 vjeç.
Unë mamin e kam shumë të bukur, por kur thotë ai që s’ka pasur asnjëherë dashnore dhe që një ka dashur e një ka marrë, unë s’e besoj dot”, ka thënë Bleona.
Ndërkohë, më pas ka ardhur edhe përgjigja e babait të saj, Nazmiut, i cili tregoi se nuk e ka gënjyer asnjëherë të bijën. /Telegrafi/